ప్రేమా యేసుని ప్రేమా (AG 219)

AG 219 ప్రేమా యేసుని ప్రేమా

Versi Version 1

ప్రేమా యేసుని ప్రేమా

అది ఎవ్వరు కొలువలేనిది

నిజము దీనిని నమ్ము

ఇది భువి నందించలేనిది

1

తల్లిదండ్రుల ప్రేమ

నీడవలె గతియించును

కన్నబిడ్డల ప్రేమ

కలలా కరిగిపోవును

ఎన్నడెన్నడు మారనిది

నా యేసుని నిత్య ప్రేమ

ఎన్నడెన్నడు వీడనిది

నా యేసుని దివ్య ప్రేమ ||ప్రేమ||

2

భార్యభర్తల మధ్య

వికసించిన ప్రేమ పుష్పము

వాడిపోయి రాలును త్వరలో

మోడులా మిగిలిపోవును ||ఎన్న||

3

బంధు మిత్రులయందు

వెలుగుచున్న ప్రేమ దీపము

నూనె ఉన్నంతకాలమే

వెలుగు నిచ్చి ఆరిపోవును ||ఎన్న||

4

ధరలోని ప్రేమలన్నియు

స్థిరముకావు తరిగిపోవును

క్రీస్తు యేసు కల్వరి ప్రేమ

కడవరకు ఆదరించును ||ఎన్న||

OK

© 2010–2024 Tim Alkitab © 2010–2024 Quick Bible Team

Fork me on GitHub