RRZ 147 Yesu niwe Musingi
Versi Version 1
1
Yesu niwe Musingi ogw’Ekanisa ye’
Niwe Mukama waayo owaagyombekire,
Akarug’ omu iguru okugicungura
N’eshagama ye wenka, ngu eb’ omugore we.
2
Omu mahanga goona nimwo yaatoorainwe;
Ein’ enyikiriz’ emwe n’okujunwa kumwe;
Mukama waayo n’omwe, niw’ agirinzire,
Niwe matsiko gaitu g’okuz’ omu iguru.
3
Ab’ensi bagigaya, baingi bagihiiga;
Obund’ egyo Kanisa eyetaanisamu;
Kwonk’ abantu ba Yesu abagirwanaho,
Bwanyima y’obusaasi, baryashemererwa.
4
Omu kubonabona n’omu ngamba zaayo
Etuur’ etegyereize omuheru gwabyo;
Bwanyim’ egyo Kanisa, ku arigisinguza,
Eryatung’ obusingye bw’ebiro n’ebiro.
5
N’obu eraab’ eri omu nsi, kwonk’ ekwataniise
Na Ruhanga n’abantu abaagwejegyeire.
Yesu, nitukushab’, otuhitsy’ omu iguru,
Tutuure hamwe naiwe, nk’ab’ abaahuumwire.

OK