RRZ 302 Nitukuramya Mukama Ruhanga
Versi Version 1
1
Nitukuramya, Mukama Ruhanga,
Tataitw'Omwana n'Omwoyo,
N'okushemererwa nitukusiima,
Ahabw' ebi otukoreire;
Otuha byona, kandi otusaasira,
Otuh' obusingye,
'Abba' Taata twena nitukuramya,
Halleluy 'ohimbisibwe!
2
Omu kasheeshe, eihangwe n'ekiro,
Ogum' otubumbatiire,
Okukunda kwawe tikuhinduka,
N'obu tukugwisa kubi;
Ku tuhw' amaani omu kwikiriza,
Twayehw' amatsiko,
Otuguma haihi nootubangira,
Otugaruramu amaani
3
Ebi wahangire n' obwengye bwawe,
Amayanja n' ezo nshozi,
Enyonyi z'omu mwanya n' enyamaishwa,
Byona n'eby'okutangaaza;
Nintangaarira embabazi zaawe,
Kumpanga nk' oku ndi!
Rukundo yaawe aha bantu baawe,
Tegira bugaruukiro.
4
Ku tushoberwa twarimbagirirwa,
Tukwet' otuhuumuriza,
Omu bujune, obworo n'enjara,
Tobura kutubangira;
Kasingye! Mukama w'eiguru n'ensi,
Tataitw' otahwaho;
Ohimbisibwe ebiro n'ebiro,
Omugabe w'Abagabe.
5
Ka tukuhimbise Ruhanga waitu,
Ka tukuh'ekitiinisa,
Ab'omu iguru naitw' abari omu nsi,
Tuhimbis'Eizina ryawe;
Nitukushaba gum' oturinzire,
Otukwatiriire,
Haza ku turirug'omuri'egi nsi,
Tube naiw' ebiro byona.

OK