పరవాసినినే జగమున ప్రభువా (AG 169)

AG 169 పరవాసినినే జగమున ప్రభువా

Versi Version 1

పరవాసినినే జగమున ప్రభువా

నడచుచున్నాను నా దారిన్‌

నా గురి నీవే నా ప్రభువా

నీదరినే చేరెదను-నేను

1

లోకమంతా నాదని యెంచి

బంధుమిత్రులే ప్రియులను కొంటిని

అంతయు మోసమేగా

వ్యర్థము సర్వమును-ఇలలో ||పర||

2

ధన సంపదలు గౌరవములు

దహించి పోవు నీ లోకమున

పాపము నిండె జగములో

శాపము చేకూర్చుకొనె లోకము ||పర||

3

తెలుపుము నా అంతము నాకు

తెలుపుము నా ఆయువు యెంతో

తెలుపుము యెంత అల్పుడనో

విరిగి నలిగియున్నాను-నేను ||పర||

4

ఆ దినము ప్రభు గుర్తెరిగితిని

నీ రక్తముచే మార్చబడితిని

క్షమాపణ పొందితివనగా

మహానందము కలిగె-నాలో ||పర||

5

యాత్రికుడనే నీలోకములో

సిలువ మోయుచు సాగెదనిలలో

అమూల్యమైన ధనముగా

పొందితిని నేను-యేసుని ||పర||

6

నా నేత్రములు మూయబడగా

నాదు యాత్ర ముగియునిలలో

చేరుదున్‌ పరలోక దేశము నాదు

గానము యిదియే యిలలో ||పర||

OK

© 2010–2024 Tim Alkitab © 2010–2024 Quick Bible Team

Fork me on GitHub