AG 280 కొనియాడదరమె నిన్ను
Versi Version 1
కొనియాడదరమె నిన్ను
కోమల హృదయ
కొనియాడఁదరమె నిన్ను
తన రారు దినకరుఁ
బెనుతారలను మించు
ఘనతేజమున నొప్పు
కాంతి మంతుడ వీవు ||కొని||
1
ఖెరుబులు సెరుపులు
మరి దూతగణములు
నురుతరంబుగఁగొలువ
నొప్పు శ్రేష్టుడ వీవు ||కొని||
2
సర్వలోకంబులం-బర్వు
దేవుడ వయ్యు
నుర్వి స్త్రీగర్భాన
నుద్భవించితివి వీవు ||కొని||
3
విశ్వమంతయు నేలు
వీరాసనుఁడవయ్యు
పశ్వాళితో దొట్టి
పడియుంటివి నీవు ||కొని||
4
దోసంబులను మడియు
దాసాళిగరుణించి
యేసు పేరున జగతి
కేగుదెంచితి నీవు ||కొని||
5
నరులయందున గరుణ
ధర సమాధానంబు
చిరకాలమును మహిమ
పరఁగఁ జేయుదు వీవు ||కొని||
6
ఓ యేసు పాన్పుగ
నాయాత్మ జేకొని
శ్రేయముగ బవళించు
శ్రీ కర వరసుత ||కొని||

OK