GESANG KAWULA (KPJ 159)

KPJ 159 GESANG KAWULA

Versi Version 1

Gesang kawula, Gusti,

lumados mring Paduka.

Saben kula makarti,

Paduka kang makarya.

Mobah-mosiking driya

wah pangangkah kawula,

mrih prayogining lampah,

mbabarna karseng Allah.

Kedaling ilat kula,

solah-bawa trapsila,

namung tansah nelakna

sagung ing sih Paduka.

Bandha lan kasagedan

katur minangka kurban,

cihnaning pangabekti

sinaosken mring Gusti

Gesang ing sawetahnya

Paduka kang kagungan.

Gusti jumeneng raja

ngantos dugeng wekasan

Audio yang tersedia di bawah ini belum tentu berasal dari sumber yang sama dengan penerbit buku yang di dalamnya lagu ini berada. The audio provided below does not necessarily originate from the same publisher of the book in which this song is included.